2025 жылы зейнет жасына қатысты өзгеріс бола ма
Фото: gov.kz«Бірыңғай жинақтаушы зейнетақы қоры» АҚ зейнеткерлікке қатысты жиі қойылып жүрген сұраққа жауап берді.
«2025 жылы зейнет жасы ерлер үшін де, әйелдер үшін де өзгермейді. Ерлер зейнетке 63 жаста, әйелдер 61 жаста шығады. 2028 жылға дейін әйелдердің зейнет жасы осы деңгейде сақталады, содан кейін зейнетақы реформасы аясында біртіндеп көтеріле бастайды», - делінген қордың баспасөз қызметі таратқан мәліметте.
Бұл тұрғыда: 2028 жылғы 1 қаңтардан бастап - 61,5 жас; 2029 жылғы 1 қаңтардан бастап - 62 жас; 2030 жылғы 1 қаңтардан бастап - 62,5 жас; 2031 жылдан бастап әйелдер үшін зейнет жасының ең жоғары деңгейі – 63 жас болады. 2025 жылы 1962 жылы туған ер азаматтар мен 1964 жылғы әйелдер зейнетке шығады.
Жақында Еңбек және халықты әлеуметтік қорғау министрлігі келер жылы елімізде жәрдемақы мен төлемдердің өсіміне қатысты түсінік берді.
