Бақытты отбасы: құқық бұзушылықтың алдын алу мақсатында кездесу
Құқық бұзушылықтың алдын алу, қоғамдық тәртіпті сақтау. Осындай мақсатпен «Жастар Рухы» ЖҚ Қазалы аудандық филиалының белсенділері, «AMANAT» партиясының мүшелері, аудандық мәслихат депутаттары құқық қорғау саласының және басқа да сала өкілдерімен бірге қоғамдық маңызды шараларды өткізуде.
«Бақытты отбасы» партиялық жобасы аясында өткізілген іс-шаралар барысында қоғамдағы жастар арасында белең алып жатқан өзекті мәселелер бойынша ақпараттық-танымдық түсіндірме жұмыстары жүргізілуде. Кездесулерде жастар мен оқушыларға қажетті құқық бұзушылық және қылмыс, интернет қауіпсіздігі мен кибербуллинг, лудомания, нашақорлықтың алдын-алу, зорлық-зомбылық тақырыптары қозғалды.
Сала мамандары жастар арасындағы зиянды әдеттер, оның ішінде электронды темекінің, энергетикалық сусындардың зияны, репродуктивті денсаулықтың мәні мен маңыздылығын, сонымен бірге жастардың кез келген уақытта орталық мамандарының қызметіне жүгіне алатынына тоқталды.
#ЖастарРухы
