Жер телімі мен тұрғын үй кезегі бойынша кеңестер берілді
Бүгін партия филиалының қоғамдық қабылдау бөлмесінің жұмыс жоспары аясында «Құқықтық көмек» партиялық жобасы шеңберінде жер телімдерін табыстау және тұрғын үй коммуналдық шарушалық мәселесі бойынша тақырыптық қабылдау өтті.
Қабылдауға келушілер жер телімін алу және тұрғын үй кезегіне тіркелуге қатысты сауалдарын қойып, кеңестер сұрады. Сонымен қатар мерзімі өткен жер теліміне қатысты мәселелер көтерілді.
Өз кезегінде қабылдаушы тұлғалар өздеріне қатысты сұрақтар бойынша жеке-жеке жауап беріп, заңдылыққа сәйкес кеңес беру жұмыстарын жүргізді.
Тақырыптық қабылдауға Әйтеке би кенті әкімінің орынбасары Тәуіржан Құлмұратов, аудандық ауыл шаруашылығы мен жер қатынастары бөлімі басшысының орынбасары Сапарбек Қуатов және аудандық тұрғын үй, коммуналдық шаруашылық, жолаушылар көлігі және автомобиль жолдары бөлімінің бас маманы Жасәділ Ешепетов қатысты.
