Тақырыптық қабылдау өтті
«AMANAT» партиясы Қазалы аудандық филиалының қоғамдық қабылдау бөлмесінде жер телімдерін табыстау, тұрғын үй коммуналдық шаруашылық мәселесі бойынша тақырыптық қабылдау өткізілді.Қабылдауға аудандық партия филиалының Атқарушы хатшысы, аудандық мәслихат депутаты Жалғасбаев Нұрғиса Жаппарбергенұлы, аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы Әбсұлтанов Мұрат Байғабылұлы, Әйтеке би кенті әкімінің орынбасары Бисембаев Мұхтар Берікұлы және аудандық ауыл шаруашылығы және жер қатынастары бөлімі басшысының орынбасары Қуатов Сапарбек Қыстаубайұлы қатысты.
Қабылдау барысында тұрғындар тарапынан түскен өтініштер тұрғын үй салу мақсатындағы жер кезегі, тұрғын үй кезегіне тұру және көше жарығы мәселелері аясында болды. Аталған өтініштер бойынша тиісті сала өкілдері ҚР-ның қолданыстағы заңдылық аясында түсіндірме жұмыстарын жүргізіп, бірқатар мәселелер назарға алынды.
#AMANAT
