CNN мәліметтері бойынша, Кветта қаласындағы шабуылдан 53 адам жарақат алды.

"Теміржол вокзалындағы жарылысты жанкешті лаңкес жасады", — деді жергілікті полиция комиссары Хамза Шафкат.

Полицияның аға бастығы Мұхаммед Балохтың айтуынша, жарылыс қаланың негізгі теміржол вокзалының платформасында таңғы 9 шамасында болған.

Жарылыстың куәгері Фаридтің CNN-ге берген сұхбаты:

"Жағдай өте қорқынышты болды. Адамдар жан-жаққа қашып жатты, біреулерінің аяқтары, енді бірлерінің қолдары жоқ, өлі жатқандар да болды.

Қаза тапқандардың арасында жолаушылар, теміржолшылар және қауіпсіздік қызметкерлері бар.

Бұған дейін Түркия астанасында теракт болғаны хабарланған болатын.