«AMANAT» партиясы Үкіметпен бірлесе азаматтардың қаржылық сауаттылық деңгейін арттыруға бағытталған «Қарызсыз қоғам» жобасы аясында оқыту дәрістерін жалғастыруда. Мемлекет басшысы Қасым-Жомарт Тоқаевтың ерекше қолдауына ие болған жоба аясында кезекті оқыту аудан бойынша қайта басталды.

Кезекті оқыту аптасы Әйтеке би кенттік мәдениет Үйі мен оқушылар Үйінде басталып, онда 150-ден аса адам дәріс алуда. Оқу аптасының ашылуына арнайы партия филиалының Атқарушы хатшысы Нұрғиса Жалғасбаев қатысып, жобаның маңыздылығы өте жоғары екенін айтып, қатысушыларға сәттілік тіледі.

Айта кетейік, бұған дейін ауданда өткізілген оқытуларға 868 адам қатысқан болатын. Алдағы бір ай ішінде 600 адам қаржылық сауаттылығын арттырмақ.