Түйіні тарқамас шаруа жоқ
Мемлекет басшысы Қасым-Жомарт Кемелұлы Тоқаев «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заңға қол қойып, заң күшіне енген болатын. Осыған орай заңмен енгізілген өзгерістерді насихаттау мақсатында аудандағы құқық қорғау, жергілікті атқарушы органдар және үкіметтік емес ұйымдармен бірлескен іс-шаралар жоспары бекітілген.Жуырда аудан әкімі аппаратының басшысы Ринад Тілептің төрағалығымен тұрмыстық зорлық-зомбылықтың алдын алу бағытында түсіндірме жұмыстарын жүргізу мақсатында арнайы мәжіліс өтті. Мәжілісте күн тәртібіндегі мәселелер бойынша Қазалы аудандық отбасын қолдау орталығының директоры Нұркен Сералиев пен аудан әкімі аппаратының мемлекеттік-құқықтық жұмыстар бөлімінің басшысы Бақытбек Абдуллаев баяндама жасады.
Баяндамашылардан кейін аппарат басшысы күн тәртібінде көтерілген мәселе бойынша сөз қозғады. Сондай-ақ аудан бойынша зорлық-зомбылық фактілеріне талдау жасау арқылы алдын алу бағытында оңтайлы әдістерді қарастыру, елді мекендердегі жайсыз отбасыларынан шыққан балаларды спорттық үйірмелерге тарту мәселесін көтерді.
«ҚАЗАЛЫ» ақпарат
