Дәрігер көбінесе метеосезімталдық бронх демікпесі, ревматизм, артрит, мазасыздық және депрессиялық бұзылыстар, жүрек-қан тамырлары аурулары, мигрень бар адамдарда байқалатынын атап өтті. Әсіресе созылмалы аурулары бар адамдарда ауа-райының өзгеруімен қатар әл-ауқаттың нашарлауы байқалады.

“Кейбір созылмалы аурулары бар науқастар қоршаған ортаның өзгеруіне шынымен сезімтал екенін растайтын зерттеулер бар. Мысалы, артритпен бірге жүретін буын ауруы, тірек-қимыл аппаратының ауыруы фибромиалгиямен ауыратын науқастар ауа-райының өзгеруі кезінде ауырсынудың пайда болуын немесе күшейе түскенін байқайды”, – деді Разият Чупанова.

Невропатолог метеосезімталдықтың тағы бір себебі адамның белгілі бір ауруларының фонында организмнің компенсаторлық және бейімделу қабілеттерінің төмендеуі екенін алға тартты. Яғни оның сыртқы жағдайларға тез бейімделе алмауын мысал етті.

Сонымен, жүрек-қан тамырлары патологиясымен ауыратындарға қоршаған орта температурасының жоғарылауы кері әсер етіп, ыңғайсыздық тудырады. Ал созылмалы бронхопульмональды ауруларда, керісінше, ауа температурасы суығанда атмосфералық қысым төмендеген жағдайда әл-ауқаты нашарлайды. Бұл жағдайларда суық күні қан тамырлары тарылып, ал жылынғанда керісінше олардың кеңеюіне әкеледі.