Ауа райы болжамына сәйкес, Қазақстанның барлық аумағы алдағы күндері циклон ықпалында болады, найзағай мен қатты жел соғып, жаңбыр жауады, елдің батысында, солтүстігінде, солтүстік-батысында бұршақ жауады деп болжанған. Батыста 22-23 маусымда, солтүстік-батыста 22-24 маусымда, елдің солтүстігінде 22 маусымда нөсер болады деп күтіледі.

"Күндіз елдің батысында +25+35 градусқа дейін, шығыста +31+39, солтүстік-батыста +22+30, оңтүстікте +30+38, оңтүстік-шығыста +25+38 градусқа дейін, солтүстікте, орталықта +23+36-дан +28+38 градусқа дейін ауа температурасы өзгеруі мүмкін", - делінген хабарламада.