+41 градусқа дейін ысиды: Қазгидромет алдағы 3 күнге ауа-райын болжады
Фото: Pixabay"Қазгидромет" РМК синоптиктері 18-20 маусымға арналған ауа райы болжамын жариялады, деп хабарлайды Skifnews.kz ақпарат порталы.
Атмосфералық фронттардың өтуімен таяу күндері Қазақстанның басым бөлігінде тұрақсыз ауа райы сақталады. Жаңбыр жауып, найзағай ойнап, екпінді жел тұрады. Солтүстікте, шығыста, оңтүстік-шығыста, орталықта бұршақ жауады.
Жаңбыр 18 маусымда шығыста, орталықта, 19 маусымда оңтүстік-шығыста болады деп күтілуде. Тек оңтүстікте және 19-20 маусымда орталықта ауа-райы негізінен жауын-шашынсыз болады.
Күндізгі температура еліміздің батысында біртіндеп +28 + 40°С дейін төмендейді, еліміздің солтүстігінде +20+28°С-тан +25+31°С-қа дейін жоғарылайды, орталықта +20+33°С, оңтүстікте +30+41°С, оңтүстік-шығыста +24 + 35°С-тан +22+32°С-қа дейін аздап төмендейді, ал шығыста +12+28°С-қа дейін төмендеуі болжанады.
