Бүгін Қазалы ауданында Елбасының «100 нақты қадам» Ұлт жоспарын орындау барысында азаматтардың өтініштерін қарау жұмысын сапалы деңгейге көтеру үшін Құқық қорғау қызметтері орталығы ашылды. Мақсат - мемлекеттік қызметке және құқық қорғау органдарына деген халықтың сенімін күшейту, ашықтықты қамтамасыз ету. 

Орталықтың ашылу салтанатына аудан әкімі Мұрат Ергешбаев, Қызылорда облысы прокурорының орынбасары Жасұлан Еламанов қатысты.

Мұнда тұрғындар «бір терезе» қағидаты бойынша прокуратура, Ішкі істер органдары, Әділет департаменті, қорғаушылар мен медиаторлардан тегін кеңес ала алады. 

Заманауи орталықты ашу үшін жергілікті бюджеттен 5 млн.теңге қаржы бөлініп, ғимарат арнайы орындармен және толықтай электронды жүйемен қамтамасыз етілген.