Аудан әкімінің орынбасары қабылдау өткізді
Бүгін аудан әкімінің орынбасары Дәурен Тілеумбетов партия филиалында тұрғындардың жеке мәселелері бойынша кезекті қабылдауын өткізді.Жеке қабылдауға келуші тұрғындар тарапынан тұрақты және қоғамдық жұмысқа орналасу, денсаулығына байланысты қаржылай көмек көрсету, сондай-ақ білім грантына қатысты өтініштер айтылды.
Аудан басшысының орынбасары әр тұрғынның сауалдарына заңды түрде жауап беріп, шешу жолдарын қарастырды.
Атап айтқанда, жас маманға мамандығына сәйкес денсаулық сақтау саласында бос жұмыс орнын ұсынды. Жұмыссыздық мәселесімен жүгінген басқа да тұрғындарға enbek.kz порталындағы бос орындар жайында ақпарат берді. Сондай-ақ басқа да өтініштерді сала басшылармен бірге талқылап, орындалуы бойынша бірқатар тапсырмалар жүктеді.
#AMANAT
