Кезектілікке сәйкес тұрғындар өтінішін тыңдады
Бүгін аудан әкімінің орынбасары Жалғас Сүйеубаев кезектілікпен жазылған тұрғындардың өтінішін партия алаңында тыңдап, қоғамдық қабылдау өткізді.Жеке қабылдауға кент, қала және бірқатар ауылдық округтерден келген бес адам жүгініп, тұрғын үй кезегі, жер дауы, 5 кварталдағы бірқатар көшелерді абаттандыру мен аяқ су арығына қатысты мәселелер қаралды.
Өз кезегінде аудан басшысының орынбасары баспана қажеттілігі бойынша келген тұрғындарға тұрғын үйлердің заңдылыққа сәйкес әр санат бойынша кезектілікпен берілетіндігін түсіндірді.
Бұдан бөлек жер дауына қатысты мәселені тиісті сала мамандарымен бірге шешілу жолдарын қарастырса, ал абаттандыру мәселесі бюджет мүмкіндігіне қарай жасалатындығын айтты. Сондай-ақ аяқ су арығы тұрғындардың жүріп тұруына кедергі келтірмеуі үшін мүмкіндіктерді қарастырып, жауапты сала өкіліне қыркүйек айының аяғына дейін ретке келтіруді тапсырды.
#AMANAT
