Дерматолог жазда теріні қорғаудың жолдарын атады
![](https://stan.kz/download/uploads/2024/06/full_171785793721494c5d6687ed59fca4c8394cfe4c69_webp.webp)
Дерматолог Дарья Смирнова жазда теріні Күн әсерінен қорғаудың жолдарын атады. Бұл туралы Stan.kz ақпарат агенттігі "Еуропалық медициналық орталық" Telegram-арнасына сілтеме жасап хабарлайды.
Маманның сөзінше, жазда теріні қорғайтын құралдардың мөлшері жеткілікті болуы керек, ал мұны екі саусақ ережесі арқылы тексеруге болады екен.
"Күннен қорғайтын кремді далаға шықпай тұрып 20-30 минут бұрын жағып, әр 2 сағат сайын жаңартып отырыңыз. Сондай-ақ қолданыс аясы кең, суға төзімді, SPF 30-дан төмен болмайтын өнімдерді таңдаңыз", – деді дерматолог.
Смирнова күн ыстықта жеңі ұзын жейде мен шалбар киюге кеңес береді. Сонымен қатар қалпақ пен бейсболка киген жөн дейді. Оның үстіне қара түсті киімдер ақ және жеңіл киімдерге қарағанда күннен жақсы қорғайды екен.
"Күннен қорғайтын көзілдірік таққан жөн. Көбіне сән үшін тағатын көзілдіріктер ультракүлгін сәуледен 70% ғана қорғайды, сондықтан ультракүлгін сәуледен 100% көзілдірікті таңдаған жөн", – деп қосты ол.
Дерматолог сағат 10:00 мен 16:00 аралығында күн көзінде көп жүруге кеңес бермейді. Себебі дәл осы уақыт Күн адам терісіне көбірек әсер етеді.