Жылу беру маусымында қауіпсіздік шараларын сақтау, Жаңа жыл мерекесіне қарсы пиротехника заттарын қолдануда сақ болу, әр адам өз өміріне жауапты болуы керек. Бұл туралы бүгін Өңірлік коммуникациялар қызметінде өткен баспасөз конференциясында ТЖД басқарма бастығы Руслан Қайрақбаев мәлімдеді.

Биылғы жылдың жылыту маусымы уақытында облыс бойынша 4 түтінге улану фактісі тіркелген. 8 адам зардап шегіп, емдеу орындарына жүгінген. Бүгінде денсаулықтары жақсы.

Сонымен қатар, баспасөз конференциясына қатысқан әкімшілік полициясы басқармасының ерекше тапсырмалар жөніндегі аға инспекторы Сәбит Сатқынбай мерекелік іс-шаралар кезінде пиротехникалық бұйымдарды, арнайы эффектісі бар ашық отты бөлмелерде қолдануға тыйым салу бойынша түсіндірме жұмыстары жүргізіліп жатқанын жеткізді. Бүгінге дейін 2 дерек бойынша, 29 дана пиротехникалық заттар тәркіленді.