Бала қауіпсіздігі үшін бірлескен жұмыстар атқарылуда
Қазалы ауданында жасөспірімдер мен жастар арасындағы құқық бұзушылық, кәмелетке толмағандарға қатысты зорлық-зомбылық, оларға қатысты кибербуллинг әрекеттері сынды өзекті мәселелердің алдын алу мақсатында оқушылармен және олардың ата-аналарымен кездесулер жалғасуда.
Бүгінгі кездесулер Әйтеке би кентіндегі Жанқожа батыр атындағы №70, С.Сейфуллин атындағы №165, №266 және №276-шы білім ошақтарында өтті.
Кездесулер барысында аудан әкімінің орынбасары Дәурен Тлеумбетов, аудандық білім бөлімінің басшысы Әділхан Жөлекешов және аудандық полиция бөлімі бастығының орынбасары Ғанибек Айбергенов ауданда топтық төбелес, жасөспірімдер арасындағы тәртіпсіздіктің алдын алу мақсатында атқарылып жатқан жұмыстарды атап өтті. Сондай-ақ алдағы жазғы демалыс уақытында балалардың қауіпсіздігі басты назарда болу керектігін айтты.
"ҚАЗАЛЫ" ақпарат
