Құқықбұзушылықтың алдын алу бойынша түсіндірме жұмыстары жалғасуда
Қазалыда аудан әкімі Мейрамбек Шермағанбеттің тапсырмасына сәйкес мектеп оқушылары және жасөспірімдер мен жастар арасындағы түрлі құқық бұзушылықтардың алдын алу мақсатында оқушылармен және олардың ата-аналарымен кездесулер жалғасуда. Бірнеше күннен бері аудан әкімінің орынбасары Дәурен Тлеумбетов бастаған арнайы топ аудан мектептерін аралап түсіндірме жұмыстарын жүргізуде.
Аудан орталығындағы Қ.Сәтбаев атындағы №216 мектеп пен №288 мектептерде өткен кездесулерде Дәурен Тлеумбетовпен аудандық полиция бөлімі және білім бөлімі тарапынан топтық төбелес, жасөспірімдер арасындағы тәртіпсіздіктің алдын алу мақсатында атқарылып жатқан жұмыстар баяндалып, оқушылар арасындағы басқа да зиянды әрекеттердің алдын алу бойынша түсіндірме жұмыстары жасалды.
Білім ошақтарында өткен кездесулер барысында ата-аналар комитетінің төрағалары мен ата-аналар күн тәртібіндегі мәселеге қатысты өздерінің ұсыныс-пікірлерін де жеткізді.
"ҚАЗАЛЫ" ақпарат
