Су тасқыны: 5 435 адам әлі эвакуациялау пункттерінде
Фото: ТЖМ баспасөз қызметіТЖМ су тасқыны бойынша сағат 10:00-дегі ақпаратты жариялады, деп хабарлады Halyq Uni.
Ведомство өкілдерінің мәліметінше, республика бойынша 61 мың 377 адам өз үйлеріне оралған. 5 мың 435 адам әлі эвакуациялау пункттерінде қалып отыр.
Сонымен бірге 11 мың 300 тұрғын үй мен 3 мың 602 аула аумағынан су бұрылып, сорылды. 23,9 млн-нан астам текше метр еріген қар суы сорып шығарылды. Бұған қоса 8 млн қапшық және 1,5 млн-нан астам тонна инертті материал төселді.
