Ең алдымен Құмжиек ауылдық округінің орталығы Қ.Пірімов ауылында өткен қабылдауда тұрғындар ауылдың инфрақұрылымына қатысты өтінштер айтты. Соның ішінде әлеуметтік нысандарды газдандыру, көшелерді асфальттау және жарықтандыру, электр желісі мен бағандарын ауыстыру мәселелері өзекті болып отыр.

Сондай-ақ, бірқатар тұрғындар жеке мәселелеріне сәйкес денсаулық сақтау, жұмыспен қамту тақырыптарында өтініштерін айтты. Заңгерлік көмек сұраған азаматтар да болды.

Басықара ауылында жалғасқан қабылдауда жергілікті тұрғындардан ауылды әрі қарай дамыту бағытында ұсыныстар келіп түсті. Ауыл азаматтары ең алдымен амбулаторияны қайта ашу мәселесі оң шешімін тапса деген өтініштерін білдірді. Жеке мәселелерінде жұмысқа орналасу, денсаулық сақтау сияқты түрлі сұрақтар қойылды.

Аталған өтініштер партиялықтар тарапынан бақылауға алынып, тиісті жауаптар беріліп, заңдылық аясында түсіндірме жұмыстары жүргізілді.

Қабылдауға облыстық мәслихат депутаты Мақсұт Нәлібаев,  облыстық партия филиалының қоғамдық қабылдау бөлмесінің меңгерушісі Нұрлан Абдукаримов, аудандық партия филиалының төрағасы Ғазиз Әліш, Су ресурстарын пайдалануды реттеу және қорғау жөніндегі Арал-Сырдария бассейндік инспекциясының басшысы Қайратбек Сәрсенбаев, партия филиалының Атқарушы хатшысы Нұрғиса Жалғасбаев, сондай-ақ тиісті басқармалалардың бөлім басшылары, заңгерлер мен аудандық дербес бөлім басшылары мен сала өкілдері қатысты.

#AMANAT