Ақтан батыр ауылында көшпелі қоғамдық қабылдау өтті
Бүгін аудандық партия филиалының Атқарушы хатшысы, аудандық мәслихат депутаты Нұрғиса Жалғасбаев өз сайлау округіне қарасты Көларық ауылдық округінің орталығы Ақтан батыр ауылында тұрғындарға көшпелі қоғамдық қабылдау өткізді.Жеке қабылдауға келген жергілікті тұрғындар жеке және ауылға қатысты бірқатар мәселелерімен бөлісті.
Халық қалаулысы бірінші кезекте жұмыспен қамту мәселесін көтерген зейнеткердің өтінішін қарап, шешілу жолдарын ауыл әкімімен бірге қарастырды. Ал ауыл ішілік көше жолын жөндеу жайымен жүгінген тұрғынға бақылауына алып, жұмыс жасайтындығын жеткізді. Сондай-ақ аудан орталығында жаңадан бой көтеріп жатқан тұрғын үйлердің берілу заңдылығын сұраған сауал иесіне әр санат бойынша кезектілікпен берілетіндігін түсіндірді.
Айта кетейік, қабылдау жұмысына «AMANAT» партиясынан ұсынылып, қыркүйек айының басында сайланған ауылдық округ әкімі Серік Өмірзақов қатысты.
#AMANAT
