Қазалы Qazaly.kz ақпараттық агенттігі
» » Ынтымағы жарасқан туған өлкем

Ынтымағы жарасқан туған өлкем

Ү.Түктібаев ауылдық кітапхана, клуб, Б.Әбдіразақов атындағы №88 орта мектептің 9 «б» сынып оқушыларының бірігіп ұйымдастыруымен, 1 мамыр – Қазақстан халықтарының бірлігі күніне орай, әртүрлі ұлт өкілдері арасындағы достық қарым-қатынасты тәрбиелеуге, патриоттық сезімге, Отанға, әдет-ғұрыптарына, салт-дәстүрлерін құрметтеуге тәрбиелеу мақсатында «Ынтымағы жарасқан туған өлкем – Қазақстан» атты таным сағаты өткізілді.
Шара сынып оқушыларының Әнет баба мен бала Төленің арасындағы «Бірлік» туралы диалог көрінісімен бастау алды. Б.Әбдіразақов атындағы №88 орта мектептің директорының орынбасарлары Т.Әбдіраманов, Н.Қуандықов, клуб сүйемелдеушісі Б.Салжекеновтер сөз сөйлеп мерекелік лебіздерін білдірді. Аталмыш шарада әр ұлт өкілдерінің ұлттық киімдерімен билері биленді, ақын Н.Баймұхамедовтың сөзіне жазылған , композитор А.Жұбановтың «Ақ көгершін» әні хормен орындалды. Ү.Түктібаев ауылдық кітапханасының кітапханашысы Г.Ниетова: 130-дан астам түрлі этнос өкілі қазақтың қасиетті қара шаңырағының астында біртұтас ел болып, достықта, бейбітшілікте тату-тәтті өмір сүріп келеді. Бақтан: «Қайда барасың?», – деп сұрағанда: «Ынтымағы жарасқан елге барамын!» – деген екен. Сол айтқандай, бірлік пен тірлік, бейбітшілік, достық салтанат құрғанда ғана бақыт пен шаттық, ынтымақтастық орнаған да ғана болашағымыз баянды болатынына кәміл сенемін, мереке баршаңызға құтты болсын. – деп қорытындылады.
Г.Ниетова
30 сәуір 2024 ж. 136 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930