Қазақтың ұлттық ою-өрнектері
Қазалы қаласындағы Ғани Мұратбаев атындағы №17 орта мектебінде "Қазақтың ұлттық ою-өрнектері" тақырыбында 9а сынып оқушыларының қатысуымен таным сағаты өткізілді.Таным сағатының мақсаты – Оқушыларға қазақтың ұлттық ою - өрнектерінің түрлері, шығу тарихы, мағынасы жайлы түсінік беру, өрнектерді, ою әдістерін үйрету. Оқушылардың ой - өрісін кеңейту, шығармашылық қабілетін дамыту, сабаққа қызығушылығын арттыру. Ою - өрнек үлгілері арқылы әсемдікке, сұлулыққа, ұлттық өнерді құрметтеуге тәрбиелеу.
Сабақ кезінде сынып жетекшісі Н.Садақбаева оқушыларға қазақтың ою-өрнектерін таныстырып, ою жолдарын үйретті.– Әр оюдың астарында үлкен мән жатыр. Терең ой мен тәлімді тәрбиені ұштастыра білген дана халқымыз қашанда әсемдікке, әдемілікке жаны құмар болған. Қыздарын жас күнінен ептілікке, шапшаңдыққа, ұшқыр ойлылыққа тәрбиелей білген, – деді Н.Садақбаева.
Ұ.ЕРБОЛҚЫЗЫ
