Жалаңтөс баһадүр атындағы орталық стадионда өткен ерекше шараны аудан әкімінің орынбасары Дәурен Тлеумбетов пен аудандық мәслихат төрағасы Ғазиз Әліш сөз сөйлеп ашып, сайысқа қатысушы жас спортшыларға сәттілік тіледі.

Жарыс ержесіне сәйкес қатысушылар 3-5 сынып және 6-8 сынып аралығы бойынша сынға түсті. Жалпы 23 команда 69 бала қатысқан сайыста жүгіру, секіру, эстафета сынды жарыстар ұйымдастырылды. Жеңіске ұмтылған жеткіншектерге жетекшілері мен жанкүйерлері ерекше қолдау білдірді.

Жеңімпаздарды «AMANAT» партиясы аудандық филиалының Атқарушы хатшысы Нұрғиса Жалғасбаев пен аудандық дене тәрбиесі, спорт және туризм бөлімінің басшысы Орысбек Жәмшейітов құттықтап, арнайы дипломдар және сыйлықтармен марапаттады. Сонымен қатар өзге де қатысушы үміткерлерге белсенді қатысқаны үшін арнайы дипломдар, сыйлықтар табысталды.

Айта кетейік, «AMANAT» партиясының «Кедергісіз келешек» жобасы аясында өткен сайыстан жеңімпаз атанған балалар дәл осы сайыстың облыстық кезеңіне жолдама алды.