Серпінді сенбілік

Туған жердің тазалығына жауапкершілікпен қарау – әрбір азаматтың басты міндеті екені сөзсіз.

Жыл сайын күн көзі жылынғаннан қазалылықтар көркейту-көгалдандыру жұмыстарына белсене араласады. Қоршаған ортаның тазалығына немқұрайлы қарамай оған біркісідей атсалысу үрдіске айналған.

Барша қазалылықтар аудан көлемінде өткен сенбілік жұмыстарына үлкен ауызбіршілікпен атсалысты.

Ауданымыздың барлық аймағында өткен тазалық жұмыстарына аудан тұрғындарымен қатар барлық мекеме-кәсіпорын қызметкерлері де қатысып, туған жердің көркеюіне өз үлестерін қосты.

Сенбілік жұмыстарына аудан әкімі Мейрамбек Шермағанбетте қатысып, аралап көрді.

Айта кетейік, сенбілік барысында аудандағы барлық орталық көшелер мен кенттің кіре беріс аймағы, «Қазақ қорымы» аумағы, Батыс Еуропа - Батыс Қытай күре жолының шеті қоқыстардан тазартылды. Аудан орталығымен барлық елді мекендер бойынша 22,4 шақырым аяқ су арықтары тазартылып, 29,4 тонна қоқыс арнайы орынға шығарылды.