Мектеп директорларының додасы басталды
Қызылорда облысының білім басқармасының тапсырмасына сәйкес, мектеп директорларының инновациялық және кәсіби маңызды тәжірибесін анықтау және тарату, білім беру жүйесіндегі мәртебені көтеру және кәсіби имиджді қалыптастыру мақсатында 19 ақпан – 1 наурыз аралығында «Бір мектеп – бір жоба» атты облыстық байқаудың аудандық кезеңі №266 мектеп – лицей мен М.Матаев атындағы №170 орта мектепте өткізілуде.
Байқаудың міндеттері:
- Мектеп директорларын инновациялық қызметке, кәсіби өзін –өзі танытуға ынталандыру;
- Білім беру жүйесінде мектеп басшысының мәртебесін арттыру және оң әлеуметтік кәсіби имиджін қалыптастыру;
- Білім беру ұйымдарындағы тәрбие мен оқытудың жаңартылған мазмұнын тиімді іске асыруды қамтамасыз ету;
- педагогикалық менеджементтің басқару функцияларын жүзеге асыру.
Мектеп басшылары 2 (екі) кезең бойынша, яғни мектеп директорының пәні бойынша ашық сабақ беру, жұмыс жасайтын мектебін дамыту бағытында жоба қорғау жұмыстарымен сынға түседі.
#Қазалыақпарат
"ҚАЗАЛЫ" ақпарат
