Фракция жұмысын жандандыру мәселесі қаралды
Бүгін партия филиалында аудандық мәслихаттағы «АМАNАТ» партиясы депутаттық фракциясының отырысы өтті. Жиынға төрағалық еткен фракция жетекшісі Нұрғиса Жалғасбаев ең алдымен депутаттық фракциямен және мүшелерімен 2023 жылы атқарған жұмыстарды баяндады.Мұнан соң фракция мүшелерінің партия филиалымен бірлесе атқаратын жұмыстарына жеке-жеке тоқталып, бастауыш партия ұйымдарында қоғамдық қабылдауларды өткізу, сайлаушылардың ұсыныс-пікірлерінің орындалуына баса мән беру, партияның сайлауалды бағдарламасының орындалуына жоғары деңгейде атсалысумен қатар, әр депутаттың өзінің жеке сайлауалды берілген уәделерінің орындалуына жұмыс жасау бағытында ұсыныстарды жеткізді.
Өз кезегінде жиынға арнайы қатысқан партия филиалының төрағасы Ғазиз Әліш ұсыныстардың барлығы орынды екенін айтып, депутаттық жұмыс пен «Жастар рухы» ЖҚ аудандық филиалының жұмысын күшейту бойынша ой-пікірін білдірді.
Келесі ретте аудандық партия филиалының Саяси кеңес Бюросының қаулысымен келісілген 2024 жылға арналған фракция жоспары бекітілуге ұсынылып, жылдық жоспар бекітілді.
#AMANAT
#QazalyAMANAT
