Аталған топ округтегі білім ордасы, мәдениет, балабақша ғимараттарына аялдап өрт қауіпсіздігі талаптары сәйкестігіне зерделеу жұмыстарын жасады. Сондай-ақ, сыртқы және ішкі санитарлық тазалығына баса назар аударды.

Кейбір кемшіліктер үшін ауылдық округ әкімі мен мекеме басшыларына ескерту жасап, қалпына келтіру жұмыстарын жасау керектігін айтты.

Жұмысшы топ құрамында Қазалы ауданының төтенше жағдайлар бөлімінің бастығы Алтынбек Қалиев, аудан әкімі аппаратының жұмылдыру және аумақтық қорғаныс бөлімінің басшысы Ғалым Сматуллаев және тиісті азаматтық қорғау саласының қызметкерлері де болды.

Айта кетейік, облыс әкімі Н. Нәлібаевтың тапсырмасына сәйкес құрылған жұмысшы топтың жұмысы алдағы уақытта да жалғасатын болады.