Шұғыл жұмысшы топ отырысы өтті
Бүгін аудан әкімі Мұхтар Оразбаевтың төрағалығымен шұғыл жұмысшы топ отырысы өткізілді. Онда кеше кешкілік Әйтеке би кентіндегі жатақханадағы өрт оқиғасы қаралып, мамандардың пікірлері тыңдалды.Басқосуға аудан әкімінің орынбасары Ғалымжан Еркебай, Әйтеке би кентінің әкімі Қайрақбай Орынбасаров, аудандық төтенше жағдайлар бөлімінің бастығы Алтынбек Қалиев, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов, аудандық қаржы бөлімінің басшысы Әліби Әбиев, аудан әкімі аппаратының жұмылдыру дайындығы және аумақтық қорғаныс бөлімінің басшысы Ғалым Сматуллаев, аудандық ішкі саясат бөлімінің басшысы Дәурен Тілеумбетов қатысты.
Аудандық төтенше жағдайлар бөлімінің бастығы Алтынбек Қалиев қазіргі таңда өрттің шығу себебін анықтау үшін арнайы маман (эксперт) шақыртылғанын айтты.
Ал, аудандық тұрғын коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов төтенше жағдай кезінде зақым келген жерлерді қайта қалпына келтіру үшін қажетті шығындар есептелгенін жеткізді.
Аудан әкімі Мұхтар Оразбаев өрттің шығу себебін анықтап, өрт оқиғасынан зардап шеккен отбасыға көмек көрсетуді тапсырды.
"ҚАЗАЛЫ" ақпарат
