Үздік әлеуметтік педагог анықталды
29 қыркүйек күні М.Матаев атындағы №170 орта мектепте аудандық білім бөлімінің ұйымдастыруымен кәсіптік біліктілігі жоғары әлеуметтік педагогтерді анықтау, қолдау және білім беру жүйесіндегі әлеуметтік-психологиялық бағытты жетілдіру мақсатында «Үздік әлеуметтік педагог- 2023» аудандық байқауы өтті.Байқауға білім беру ұйымдарының әлеуметтік педагог мамандары қатысты.
Әділ қазылар шешіміне сәйкес, Жанқожа батыр атындағы №70 орта мектептің әлеуметтік педагогы Айтбембетова Жансая сайыс жеңімпазы атанды. Сонымен қатар №17 орта мектептің әлеуметтік педагогы Бисенбай Ұлболсын екінші орынды еншілесе, №91, 266 мектептердің әлеуметтік педагогтары Менеева Айдана мен Сәдір Бауыржан үшінші орынды бөліске салды.
Бұдан бөлек, №88, 94, 104, 190 және №276 орта мектептердің әлеуметтік педагогтары Б.Жанузахова, Ә.Жарылқап, А.Қаруов, Б.Ерболат және Ш.Тотанов білім бөлімінің Алғыс хатымен марапатталды.
Байқауда үздік танылған №70 орта мектептің әлеуметтік педагогы Ж.Айтбембетова 11 қазан күні өтетін облыстық байқауда бақ сынайды.
"Қазалы"ақпарат
