Жасөспірімдер жайы басты назарда

Қызылорда облыстық полиция департаментінің ЖПҚБ ювеналды полиция тобының ағымдағы жылдың екінші жартысына арналған жұмыс жоспарына сәйкес, 7-9 маусым аралығында «Жасөспірім» жедел-профилактикалық іс-шарасын өткізіп жатқанын хабарлайды.

Іс-шараның негізгі мақсаты – жасөспірімдер арасындағы қылмысты ескерту және оның алдын алу, оның ішінде білім беру ұйымдарының оқушылары арасындағы құқықбұзушылықтардың жолын кесу. Сондай-ақ кәмелетке толмағандардың құқықтарын қорғау саласындағы әкімшілік құқық бұзушылықтарды анықтау, олардың құқықтық сауаттылығын арттыру, сондай-ақ балаларға қатысты қылмыстық қол сұғушылықтардың алдын алу бағытында ауқымды шаралар өтеді.

Аудан көлемінде ювеналды полиция қызметкерлері аудандық жастар ресурсық орталығы қызметкерлері және білім бөлімінің мамандарымен жасөспірімдер арасындағы қылмыстардың алдын-алу, түнгі уақыттары заңды өкілдерінсіз жүрген кәмелетке толмағандарды анықтау мақсатында рейдтік шара ұйымдастырып, кент орталығындағы ойын-сауық орталығы, дүкендер, орталық алаң және тағы да басқа көңіл көтеру орындары аралап, тәртіпке шақырып жүр.

Кәмелетке толмағандар арасында құқық бұзушылықтармен қылмыстардың алдын алу мақсатында, балалардың түнгі уақытта көшелерде, ойын-сауық орталықтарында беймізгіл жүрмеуін ата-аналардан қатаң қадағалауларын сұраймыз.