Алдымен күн тәртібіндегі бірінші мәселе бойынша аудандық полиция бөлімінің жергілікті полиция қызметі бөлімшесінің ювеналды полиция тобының аға инспекторы, полиция майоры Махаббат Төлепбергенқызы аудандық полиция бөлімінің ұсынымына байланысты хабарлама жасады.

Мұнан соң, екінші мәселе аудандық білім бөлімінің 2022 жылғы 29 қарашасындағы білдірісі туралы Қазалы қаласындағы №95 орта мектеп директорының тәрбие ісі жөніндегі орынбасары Жаңабек Көпенов айтып өтті.

Күн тәртібіндегі 3 мәселе кәмелетке толмағандардың істері және олардың құқықтарын қорғау жөніндегі аудандық комиссиялардың есебі және аудандық комиссия отырысының 2023 жылға арналған жұмыс жоспары туралы комиссия хатшысы Рахметолла Әбен баяндама жасады.

Жиын соңында Дәурен Оңғарбайұлы комиссия отырысында берілген хаттамалық тапсырмалардың орындалуын бақылауға алып, отырыста қаралған әрбір мәселе ұдайы назарда болуын тапсырды. Сондай-ақ, кәмелетке толмағандармен орын алған оқыс оқиғалар, құқық бұзушылықтар мен қылмыстар болған жағдайда комиссия жедел шешім қабылдап, алдын алу жұмыстарын жүргізіп отыру қажеттігін айтты.