Ардагерлер ардақталды
Кеше Қазалы ауданының әкімі Мұхтар Оразбаев Ұлы Отан соғысы ардагерлері Әйтеке би кентінің тұрғыны Тілеуберген Тобабергенов пен бекарыстанбилік Қабақ Смағұлдың шаңырағында болып, майдангерлерді жаңа жыл мерекесімен құттықтады.Отан үшін от кешкен қарияларға денсаулық пен амандық тілеп, облыс әкімінің құттықтауы мен арнайы сый-сияпат ұсынды. Мұхтар Әуесұлы ардагерлер қашанда құрметке лайық екенін және ерліктері әрдайым дәріптелетінін жеткізді.
Кездесу барысында зұлматты жылдардың куәгері болған қариялар ақ баталарын беріп, ел мен жерге бейбітшілік тіледі.
Айта кетерлігі, Қазалы ауданынан 10770 азамат майданға аттанса, 6229 жауынгер ғана аман-есен елге оралған.
«ҚАЗАЛЫ» ақпарат
