Алдымен Әйтеке би кентінде тұратын 97 жастағы Тілеуберген Тобабергеновтің отбасына барған аудан басшысы ақсақалға «Қазақстан Тәуелсіздігіне 30 жыл» мерекелік медалін табыстап, сый-құрмет көрсетті.

Тілеуберген Тобабергенов Жеңісті Берлин қаласында қарсы алған. 1948 жылы елге оралғаннан зейнет жасына дейін теміржол саласында абыройлы еңбек еткен. Қазір немере-шөберелерінің қызығын көріп, бақытты өмір сүруде.

Мұнан соң Мұхтар ­Оразбаев ­Бекарыстан би ауылындағы Қабақ Смағұлдың шаңырағына аялдап, «Қазақстан Тәуелсіздігіне 30 жыл» мерекелік медалімен марапаттады.

Қос ардагерді аудандық мәслихат хатшысы Бақытжан Жарылқап пен аудандық Ардагерлер кеңесінің төрағасы Оразғали Бекбанов құттықтап, игі лебіздерін жеткізді.

Құрметке бөленген соғыс ардагерлері өңір басшыларына оларға бөлген көңіл мен жалпы өткізіп отырған саясатына ризашылықтарын білдірді. Бейбітшілік, достық, өзара түсіністік – халқымыздың негізгі құндылықтары екенін ­айтты.