ҰҚШҰ сайтында айтылғандай, сессияға Армения премьер-министрі Никол Пашинян төрағалық етеді.

Сондай-ақ шараға Қазақстан Президенті Қасым-Жомарт Тоқаев, Беларусь Президенті Александр Лукашенко, Қырғызстан Президенті Садыр Жапаров, Ресей Президенті Владимир Путин және Тәжікстан Президенті Эмомали Рахмон қатысады деп күтілуде.

Сонымен қатар, отырысқа ҰҚШҰ Бас хатшысы Станислав Зас қатысады.

Ұйымның хабарлауынша, ХҚКО мүшелері халықаралық және өңірлік қауіпсіздіктің өзекті мәселелерін және сессияаралық кезеңде ҰҚШҰ қызметінің негізгі нәтижелерін талқылайды.

«Ең маңызды мәселелердің бірі ҰҚШҰ дағдарысқа қарсы әрекет ету жүйесін жетілдіру және Арменияға көмек көрсету бойынша бірлескен шараларды талқылау болады».

ҰҚШҰ баспасөз қызметі

Сессия барысында Ұжымдық қауіпсіздік кеңесінің Декларациясы қабылданады деп күтілуде.

Сонымен бірге, алдағы ротацияға байланысты 2023 жылдың 1 қаңтарынан бастап Ұжымдық қауіпсіздік кеңесі ҰҚШҰ Бас хатшысының мәселесін қарайды.