7 қазанға арналған ауа райы болжамы
Бүгін республиканың басым аумағында күн жауын-шашынсыз болады деп хабарлайды «Қазгидромет» синоптиктері.Еліміздің шығыс облыстарына антициклон әсер етуімен күн ашық және жылы болады. түнде жел тұрып, кей аудандарда тұман түседі.
Ал, Жамбыл облысының таулы аймақтарында түнде ауа температурасы минус 1 градусқа дейін салқындайды деп күтілуде.
Астанада күн ала бұлтты, жауын-шашынсыз. Желдің жылдамдығы секундына 1-6 метр аралығында. Температура түнде 3-5 градус нөлден жоғары болса, күндіз 19 градусқа дейін күн жылиды.
Алматыда да күн жауын-шашынсыз, температура бағаны түнде 7-9 градус, күндіз 19-21 градусқа дейін жоғарылайды.
Шымкентте жылдамдығы секундына 8-13 метрге дейін жететін жел тұрады. Күн жауын-шашынсыз. Ауа температурасы түнде 6-8 градусты, күндіз 21-23 градусты көрсетеді.
