Съездің ашылу салтанатын сөз сөйлеген партия Төрағасы Ерлан Қошанов елдегі саяси реформаларды айта келе, қараша айында болатын маңызды тарихи датаға тоқталып өтті.

«Бүгінгі реформалардың басты мақсаты - әділеттілік, теңдік, бірлік принциптерін орнықтыру. Біз өткенге кері қайтпауымыз керек. Ауқымды өзгерістер өзінің заңды жалғасын табуы тиіс. Ал мемлекет алдында тұрған ұлы мақсаттарға қол жеткізу үшін бізге лайықты көшбасшы қажет.Сондықтан президентікке үміткер ретінде Қасым-Жомарт Кемелұлы Тоқаевты ұсынамын», - деді Партия Төрағасы.

Сондай-ақ, Ерлан Қошанов патияластары мен қазақстандықтарды кандидатты қолдауға шақырды.

«Съезд делегаттары бірауыздан қолдайды деп сенемін. Алдағы 20 қараша еліміздің саяси өміріндегі тарихи оқиға болары анық. Дәл сол күні Қазақстан халқы өз таңдауын жасайды. Бұл сайлау Әділетті Қазақстан дамуының бағыт-бағдарын айқындайды. Бұл сайлауда халқымыз өз үміткеріне ел тағдырын, болашағын сеніп тапсырады. Біз үшін ең лайықты үміткер Қасым-Жомарт Тоқаев», - деді Қошанов.