Жаңа леппен нақты іске
«Nur Otan» партиясы "Аманат" партиясы болып өзгерді. Партияның съезінде мұндай атауды Мәжіліс төрағасы Ерлан Қошанов ұсынып, Президенттен бастап жиынға қатысқан барлық делегат бірауыздан мақұлдады. Партия төрағасы Қасым-Жомарт Тоқаев аманаттықтар бюрократия мен қағазбастылықтан арылып, жаңа атаумен, жаңа деммен нақты іске кірісуі керек деді. Партия билік пен қоғамның көпірі болсын деген мемлекет басшысы бірақатар тапсырма берді. Сондай-ақ, партияның саяси кеңесінің құрамы да өзгерді.«Аманат» - ортақ мағынадағы центристік партия. Ол - Әділдік партиясы, халық бірлігі партиясы, алға қарай нық қадам басу партиясы, халықтың пікірі мен арманын тыңдайтын және азаматтарымыздың мүддесі үшін әрекет ететін партия» деген Президент Қасым-Жомарт Тоқаев бұл атау еліміз үшін де, ұлтымыз үшін де айрықша мәні бар киелі ұғым екенін атап айтты.
Қасым-Жомарт Тоқаев партияластарына популизмге салынып, жұртқа өтірік уәде бермеңдер деп те ескертті. Енді партияның жұмысын одан әрі жаңғырту үшін аманаттықтар халықтан тың ұсыныстар қабылдайды.
Ендеше жаңғыруға бет алған партиямыздың барша мүшелерін Президентіміздің төңірегіне топтасып, Жаңа Қазақстанның қалыптасуына үлес қосуға шақырамын.
Жаңа деммен жұмыс істейміз деп отырған аманаттықтардан халықтың да күтері көп.Талғат ӘЛІПБАЕВ,
"Nur Otan" партиясынан Қазалы аудандық мәслихатының депутаты
