Халықтың табысын арттыру жөніндегі шаралар кешені барлық санатты қамтиды.

Азаматтық қызметшілердің (педагогтар, медицина қызметкерлері, әлеуметтік қызметкерлер, мұрағатшылар, кітапханашылар, техникалық персонал) жалақысын өсіру және жәрдемақылар мөлшерін инфляция деңгейіне арттырудан басқа бірқатар заңнамалық бастамалар қабылданады, - дейді вице-министр.

Айтуынша, еңбек ресурстарының дағдыларын дамыту үшін экономиканың қажеттіліктеріне орай, кәсіптік біліктілікті тану жүйесі және қызметкерлердің дағдыларын сертификаттау енгізіледі.

Әлеуметтік кодексті қабылдау азаматтардың мұқтаждылығына қарай проактивті және қолжетімді түрде әлеуметтік қолдау көрсетуді қамтамасыз етеді. Өзін-өзі жұмыспен қамтыған қызметкерлер үшін еңбек қатынастарын рәсімдеудің жаңа формалары мен арнайы салық режимдерін енгізу мәселесі қарастырылып жатыр, - деп толықтырды Еңбекмині өкілі.

Сонымен қатар кәсіпкерлік бастамаларды қолдау және жұмыспен қамту инфрақұрылымын цифрландыру арқылы халықты жұмыспен қамтуды кеңейту бойынша шаралар қабылданады.