Қазандықтың жарылуына не себеп?
Кеше Тасарық ауылындағы №238 мектептің бу қазандығы жарылды. Келеңсіз жағдай таңғы 6-лар шамасында орын алды. Апаттық жағдайдан зардап шеккен жоқ. Ең бастысы балаларға келер қауіп жоқ.Оқиға орнына аудан әкімі Мұхтар Оразбаев пен орынбасарлар, аудандық білім бөлімі мен төтенше жағдайлар бөлімінің басшылары арнайы келіп, жағдайды бақылауға алды.
Қазіргі таңда апаттық жағдай орын алған жерде арнайы құрылған жұмысшы топ зерделеу жұмыстарын жүргізіп, апаттың шығу себептерін анықтауда.
Оқушылардың кедергісіз жылы жерде білім алуы үшін бу қазандығы тез арада қалыпқа келтірілетін болады.
«ҚАЗАЛЫ» ақпарат
