Қазалы ауданының әкімі Мұхтар Оразбаев бірқатар ауылда болып, диқандар қауымының жай-күйімен танысты.

Аудан басшысы ат басын бұрған «Сыр маржаны», «Рза-Агро», «Агро-Өркен», «Алшын», «Жанкент-Агро» жауапкершілігі шектеулі серіктестіктері мен «Ақмаржан», «Мерей» шаруа қожалықтарының егістік алқаптарындағы еңбеккерлер егістік күтімі туралы ойларын ортаға салды. Олардың қатарындағы басты мәселеге айналып отырған Сырдария өзеніндегі су мәселесіне байланысты алаңдаушылық туралы М.Оразбаев та өз пікірін білдірді. Сондай-ақ алдағы уақытта да аудан көлемінде атқарылып жатқан көктемгі дала жұмыстары мен күріштік алқаптарын суару жұмыстары күн тәртібінен түспей, бақылауда болатынын жеткізді. Бұл қиындықтардың алдын алу үшін тиісті сала басшыларына шұғыл шешімдер қабылдап, қатаң бақылауда ұстау жөнінде арнайы тапсырма берді.