Қазалы аудандық сотында судьялар мен медиаторлардың қатысуымен Алғыс айту күніне орай салтанатты жиын өткізілді.

Жиынды ашқан сот төрағасы Дидар Мұратбекұлы: "2016 жылы 14 қаңтарда Қазақстан Республикасының Президенті Н.Ә. Назарбаевтің Жарлығымен 1 наурыз - Алғыс айту күні деп жарияланды. Бүгінгі таңда бұл мереке барлық қазақстандықтар үшін қайырымдылықтың, достық пен бірліктің жарқын үлгісі, ел азаматтарының ынтымағын арттыруға ықпал ететін мереке"- дей келе, сот саласынан зейнеткерлікке шыққан ардагер М.Жақыповты "Алғыс" хатпен марапаттады.

Өз кезегінде сот жүйесінің ардагері кіші буынның құрметіне алғысын білдіріп, қызметте абырой биігінен көрінуді тіледі.

Шара соңында медиаторлар Ш.Алтынбаев пен Ж.Жалғасбаев жиналғандарға мерекелік жүрекжарды лебіздерін білдірді.