Профилактикалық іс-шаралардың тиімділігі талқыланды

Аудан прокуроры Б.Мырзабаев төрағалық жасаған мәжіліске аудан әкімінің орынбасарлары Ғ.Еркебай, Ә.Әбиев және аудандық полиция бөлімінің учаскелік және әкімшілік полиция инспекторлары қатысты.

Басқосуда күн тәртібіндегі мәселеге байланысты аудан прокурорының орынбасары Д.Упабеков, жергілікті полиция қызметінің бастығы О.Қожахметов, аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы М.Әбсұлтанов хабарлама жасап, атқарылған жұмыстарды жан-жақты баяндады.

Жалпы аудан көлемінде ағымдағы жылдың 9 айында тіркелген қылмыстар өткен жылмен салыстырғанда 17%-ға (250/206) төмендеген. Оның ішінде аса ауыр қылмыстар 200%-ға (2/0), кісі өлтіру 100%-ға (1/0), ауыр дене жарақатын салу 6%-ға (17/16), қарақшылық 40%-ға (5/3), ұрлық 44%-ға (139/78), тонау 75%-ға (4/1), қорқытып алушылық 100%-ға (1/0), бұзақылық 57%-ға (28/12), зорлау 25%-ға (4/3), қоғамдық орында жасалған қылмыстар 26%-ға (64/53) азайған.

Дегенмен, кейбір қылмыс түрлері мен оларды жасау жағдайы өсім алған. Нақтыласақ, ауыр қылмыстар 68%-ға (25/42), ауыр дене жарақатын салу 33%-ға (3/4), алаяқтық 225%-ға (4/13), есірткі қылмыстары 12%-ға (24/27), арақ ішіп мас күйде жасалған қылмыстар 44%-ға (27/39) өскен.

Қазіргі уақытта ауданымызда алаяқтық қылмыстарының ерекше өсім алуы алаңдатушылық туғызып отыр. Алаяқтық қылмыстарың негізгі түрлеріне келетін болсақ: тіркелген қылмыстардың 9-ы интернет арқылы алдауға, 4-і жұмысқа орналастыруға қатысты орын алған.

Сонымен қатар, аталған мерзімде жалпы 35 (2019 ж. 9 айында - 41) жол көлік оқиғалары орын алып, соның салдарынан 48 (42) адам түрлі жарақаттар алған болса, 6 (6) адам қайтыс болған. Оның ішінде 3 (0) кәмелетке толмағандар қайтыс болса, 5-і (4) әртүрлі жарақаттар алып, 25%-ға өскендігі байқалады.

Осы ретте, аудан прокуроры Б.Мырзабаев қылмыстылықтың алдын алу бағытындағы профилактикалық шараларды күшейту және жол көлік оқиғаларын болдырмау бағытында жол жүру ережелерін сақталуына шаралар қабылдауды тапсырды.