Еліміздің бірқатар өңірінде дабылды ескерту жарияланды

Синоптиктер: Алдағы екі күнде еліміздің кей өңірлерінде қар жауып, бұрқасындатады, жел күшейеді.

Астана қаласы, Ақмола және Жамбыл облыстарында дабылды ескерту жарияланды, деп хабарлайды "Қазгидромет" РМК баспасөз қызметі.

Синоптиктердің болжамы бойынша, 14-15 ақпан күндері Астана қаласында кей уақыттарда қар жауып, бұрқасындатады.

Ақмола облысында қар жауып, кей жерлерде бұрқасындатады, тұман түседі. Солтүстік-шығыстан соққан жел солтүстік-батысқа ауысады, кей жерлерде екпіні 15-20 м/с жетеді.

Тараз қаласында 14 ақпанда оңтүстік-шығыс бағыттан соққан жел оңтүстік-батысқа ауысады, күші – 15-20, екпіні 23-28 м/с, кей уақыттарда 30 м/с жетеді.