Білімділер үздігі анықталды
Өткен сенбіде №17 орта мектепте физика пәні мұғалімі Игілік Жұмабек Әбдіразақұлы атындағы физика пәнінен аудандық командалық олимпиада өтті. Онда 8-10 сынып оқушылары арасында 3 кезең бойынша тартысты сайыс болды. Аталған олимпиадаға 27-ге жуық команда қатысып, нәтижесінде бас жүлдені №249 мектеп-лицей оқушыларынан құрылған «ENERGY» командасы жеңіп алды. Бірінші орынды №266 мектеп-лицей оқушыларынан құрылған «ЭВРИКА» тобы иеленді. Екінші орынды №170 орта мектептің «Квант» тобы қанжығасына байлады. Ал үшінші орынды №94 орта мектептің оқушыларынан құрылған команда місе тұтты. Сондай-ақ №216, 165, 276, 93, 70, 17 мектеп оқушыларынан құрылған командаларға Алғыс хат табысталды. Сонымен қатар жеңіске жеткен оқушыларға Жұмабек Әбдіразақұлының отбасы атынан жүлделі сыйлықтар ұсынылды.
"ҚАЗАЛЫ" ақпарат
