«Қорқыт ата» әуежайының кұрылысы басталады
Бұл туралы Қызылорда облысының әкімі Қ.Ысқақов облыстық Қоғамдык кеңес алдындағы есебінде айтты.«Қорқыт Ата» әуежайын жаңарту, қайта салу мәселесі көптен қызылордалықтардың көкейінде жүрген сұрақ болатын. Жобаны мемлекеттік-жекешелік әріптестік аясында іске асыру жоспарланып, былтыр жекеше әріптесті анықтау бойынша өткізілген конкурстың бірінші кезеңі бойынша "BI Civil Construction" жауапкершілігі шектеулі серіктестігі (Нұр-Сұлтан қаласы) біліктілік іріктеуден өтті. 2019 жылдың 22 қарашасында «BI Civil Construction» серіктестігі өз қаржысы есебінен жобаның техникалық-экономикалық негіздемесін әзірлеп, мемлекеттік сараптаманың оң қорытындысын алды. Қазіргі уақытта жобалық сметалық құжаттаманы әзірлеу бойынша жұмыстар басталып кетті. 2020 жылдың мамыр айында терминалдың құрылысы басталады деп күтілуде.
«Қорқыт Ата» әуежайы акционерлік қоғамы мен "FlyArystan" (Флай Арыстан) әуекомпаниясының арасында келісім-шарт жасалып, наурыз айының ортасынан бірнеше бағытта жолаушыларды арзан бағамен тасымалдау ұйымдастырылады.
«ҚАЗАЛЫ» ақпарат.
