Сарыкөл ауылдық округінде «Данияр» шаруа қожалығы 20 гектар жерге картоп екті
Жасыл желегі жайқалған Абай ауылы тұрғындар арасында «Қазалының Швейцариясы» аталып кеткен. Оған негіз де жоқ емес. Сырдария өзенінің жағасындағы ауылдың тал-терегі алыстан менмұндалайды.Сондықтан болар, абайлық ағайындар үйдің ауласына жеміс-жидек ағаштарын отырғызып, бау-бақша өсіреді. Биыл жері құнарлы Сарыкөл ауылдық округінде «Данияр» шаруа қожалығы 20 гектар жерге картоп егіп, мол өнім алды.
Ауылдық клубта өткен басқосуда аудан әкімі Мұрат Ергешбаевпен қатар, Сарыкөл ауылдық округінің әкімі Байназар Ерқосаев, учаскелік полиция инспекторы Ұлықбек Бердібаев өткен жылы атқарған жұмыстары жайында есеп берді. Сондай-ақ, алдағы жоспарларымен бөлісті.
Биыл елімізде Абай Құнанбаевтың 175 жылдығы кең көлемде аталып өтетіні белгілі. Осыған орай абайлықтар жыл ішінде ауылда ауқымды шаралар ұйымдастырылса, көшелер жөнделсе деген өтініш-тілектерін жеткізді.
Қазалы ауданы әкімінің баспасөз қызметі
