Апатты мектептер мәселесі толығымен шешілді

«Назардан тыс қалдырмай, үнемі қадағалап отыруға тиісті сала – білім беру. Өйткені, Әлемдегі дамыған өркениетті елдердің қатарына қосылу үшін білімді ұрпақ керек. Мұны уақыттың өзі дәлелдеп отыр. Бабаларымыз: «Дүниенің кілті – оқу мен білімде» деп бекер айтпаған», – деді аудан әкімі халық алдындағы есепті кездесуінде.

Оның айтуынша, Тәуелсіздік жылдарында аудандағы мектептердің 14-і апаттық жағдайда болатын. Мемлекет қолдауының арқасында 2012 жылға дейін 4 мектеп жаңадан салынды. Ал, соңғы 5 жыл ішінде 10 жаңа білім ордасы пайдалануға беріліп, апатты мектептер мәселесі толығымен шешілді. Үш ауысымдық оқу осыдан төрт жыл бұрын толығымен жойылды.

Бүгінгі таңда аудандағы 11 мектепте білім беру бір ауысымда жүргізіліп жатыр. Қазір оқушылардың білімін көтеру үшін қосымша сабақтар мен үйірме жұмыстарын ұйымдастыруға толық мүмкіндік жасалды.