Теннисші Анна Данилина мансабындағы WTA-ның үшінші титулын жеңіп алды
Қазақстандық Анна Данилина Польшадағы жұптық сында WTA 250 сериясындағы теннис турнирінің жеңімпазы атанды.Финалда Анна Данилина неміс Анна-Лена Фридзаммен дуэтте жергілікті теннисші Катажина Кава/Алисия Росольскаядан мықты болды, деп хабарлады ҰОК сайты.
Соңғы жекпе-жек екі сағатқа созылды. Оның тағдыры супер тай брейкінде шешілді, онда сәттілік Данилина мен Фридзам жағында болды– 6:4, 5:7, 10:5.
Анна Данилина үшін бұл WTA- турындағы үшінші үлкен жетістік. 2022 үстіміздегі жыл басында Анна Беатрис-Хаддад Маямен бірге Сиднейдегі (WTA 500) турнирінде жеңіске қол жеткізген, ал өткен жылы Қазақстанның бірінші ракеткасы жұптық сында Гданьск қаласында (Польша) өзінің WTA 250 сериясындағы алғашқы олжасын жеңіп алған.
