Қазалы Qazaly.kz ақпараттық агенттігі
» » Қызылордалық шахматшылар Азия чемпионатынан табысты оралды

Қызылордалық шахматшылар Азия чемпионатынан табысты оралды

Тайландтың Чиангмай қаласында шахматтан жасөспірімдер арасында өткен Азия чемпионатында Қызылорда облысының құрамасы 6 жүлдені қоржынға салды.
Жекелей сында 14 жасқа дейінгі қыздар арасында бақ сынасқан Назерке Нұрғали рапид бойынша күміс жүлдені иеленсе, өз жас ерекшелігінде командалық есепте классикадан екінші болды.
8 жасқа дейінгі жасөспірімдер арасында сынға түскен Кәусар Али командалық есепте рапидтен алтын, классикадан күміс жүлделерді еншіледі. 16 жасқа дейінгі қыздар арасында Әсел Серікбай блиц және классикадан қола жүлделерге қол жеткізді.
Жалпы жарысқа әлемнің 26 елінен 570 спортшы қатысты.
Спортшылар № 1 облыстық олимпиадалық резервтің мамандандырылған балалар-жасөспірімдер мектебінде тәлім алады.
17-30 сәуір аралығында Албанияның Дуррес қаласында оқушылар арасында өтетін Әлем чемпионатында Назерке Нұрғали мен Кәусар Али ел намысын қорғаса, Әсел Серікбай Алматы қаласында болатын ҚР чемпионатының финалына әйелдер арасында алғашқы рет бақ сынасады.

11 сәуір 2018 ж. 1 346 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031