Қазалы Қазалы аудандық қоғамдық-саяси газет
» » Қызылорда облысының спортшылары Қазақстан чемпионатынан 13 алтынды жеңіп алды

Қызылорда облысының спортшылары Қазақстан чемпионатынан 13 алтынды жеңіп алды

Ташкент қаласында жасөспірімдер мен жастар арасында байдарка және каноэде есуден өткен Қазақстан Республикасының чемпионатында Қызылорда облысының құрама командасы 15 жүлдені иеленді. Жерлестеріміз жарыста табысты өнер көрсетіп, 13 алтын, 1 күміс, 1 қола медальдарды еншілеп, биылғы жылғы маусымды сәтті бастады.
Жасөспірімдер арасында бірлік бәсекесінде сынға түскен Ж.Баһадүр атындағы облыстық спортта дарынды балаларға арналған мектеп-интернат және № 5 облыстық олимпиадалық резервтің мамандандырылған балалар-жасөспірімдер мектебінің тәрбиеленушілері Эльнура Нурланова 200, 500, 1000 және 3000 метр қашықтықта 4 алтын жүлдені жеңіп алса, Диас Бахраддин 1000, 5000 м.қ. екі мәрте алтын, 500 м.қ. күміс жүлделерге қол жеткізді.
Жастар арасында бірлік сынында бақ сынасқан облыстық жоғары спорт шеберлігі мектебінің спортшылары Қожахмет Алтынбек пен Гүлжайна Тыныбекованың мерейі үстем болды.
Қожахмет 500, 1000, 5000 м.қ. 3 алтын, ал Гүлжайна 200, 500, 1000 және 3000 м.қ. 4 алтын медальдарға ие болды. Сондай-ақ, Темірғали Орақбаев 5000 м.қ. қола жүлдені еншіледі.
Спортшыларды жарысқа ҚР еңбек сіңірген жаттықтырушысы Мұхитдин Мейірбеков пен жаттықтырушы Диана Қазиева дайындады.
30 наурыз 2018 ж. 697 0

Жаңалықтар мұрағаты

«    Наурыз 2020    »
ДсСсСрБсЖмСбЖс
 1
2345678
9101112131415
16171819202122
23242526272829
3031